Марк Шайфли «Виннипег» тарихындағы үздік снайпер атанды

НХЛ баспасөз қызметінің хабарлауынша, «Виннипег Джетс» шабуылшысы Марк Шайфли франшизаның жаңа рекордын орнатты — ол «Атланта» кезеңін қоса алғанда клуб тарихындағы үздік снайпер атанды.

«Сан-Хосемен» болған овертайм-жеңісінде (2:1) Шайфли өзінің 329-шы шайбасын соғып, бұрынғы рекордшы Илья Ковальчуктен асып түсті. Ресейлік шабуылшы кезінде «Атланта Трэшерс» сапында 328 рет мергендігімен көзге түскен еді.

Канадалық хоккейші тұрақты чемпионатта 855 ойын өткізіп, осы уақыт ішінде 782 ұпай жинады (329 гол және 453 нәтижелі пас) — бұл тағы бір клубтық жетістік болып табылады.