Манчестер Юнайтед жанкүйерлері маусымдық билет бағасының өсуіне қарсы шықты

Manchester United Supporters Trust (MUST) жүргізген сауалнама нәтижесінде клуб жанкүйерлерінің наразылығы күшейгені белгілі болды. Себебі маусымдық билеттер бағасы қатарынан үшінші жыл 5%-ға қымбаттап отыр.

Жедел сауалнамаға 3300 жанкүйер қатысқан, олардың ішінде маусымдық абонемент иелерінің 13%-ы келесі маусымға билеттерін ұзартпайтындарын айтқан. Бұл шамамен 6000 тұрақты көрерменнен айырылу қаупін тудырады.

Наразылықтың негізгі себептері:

– Егде жастағы жанкүйерлерге берілетін жеңілдіктің қысқаруы
– Жалпы бағаның 5%-ға өсуі
– Матчтарға барудың міндетті минималды санының көбеюі

«Егер клуб бұл шешімді өзгертуге дайын болмаса, кем дегенде өзгерістерді біртіндеп енгізу керек. 7000 егде жастағы жанкүйерлер үшін жеңілдікті 50%-дан 25%-ға дейін күрт төмендетудің орнына, оны үш маусымға бөлу қажет», – делінген MUST мәлімдемесінде.

«Бұл Манчестер Юнайтед үшін алаңда да, одан тыс жерде де қиын кезең. Біз бұл дағдарыстан тек бүкіл клуб бірігіп қана шыға аламыз. Бұл жанкүйерлердің дауысына құлақ асу деген сөз», – деп атап өтті MUST өкілі.

Біздің парақшамыздан футбол матчтарының барлық нәтижелерін Live форматта бірінші болып біліңіз!