«Манчестер Юнайтед» Рубен Аморим кезінде АПЛ ойындарының жартысынан көбін жеңілді

Рубен Аморим «Манчестер Юнайтедпен» сәтсіз нәтижелер көрсетуді жалғастыруда. Бүгін команда кезекті жеңіліске ұшырады.

Ағылшын Премьер-лигасының 25-ші турында манкундықтар «Тоттенхэмге» 0:1 есебімен жол берді бұл португал маманының басшылығымен сегізінші жеңіліс болды.

Аморимнің басшылығындағы команданың көрсеткіштері көңіл түсіреді: АПЛ-да өткізген 14 матчта «қызыл жендеттер» небәрі 4 жеңіске қол жеткізіп 2 тең ойын көрсетті және 8 рет жеңілді.

Қазіргі уақытта «Манчестер Юнайтед» турнир кестесінде 29 ұпаймен 15-ші орында тұр. Келесі матчты команда 22.02.2025 күні «Эвертонға» қарсы өткізеді.