«Манчестер Ситидің» аңызы Де Брюйне клубтан кететінін жариялады

«Манчестер Ситидің» жартылай қорғаушысы Кевин Де Брюйне осы маусым аяқталған соң клубтан кететінін жариялады. Бұл туралы бельгиялық футболшы өзінің әлеуметтік желідегі парақшасында хабарлады.

33 жастағы ойыншы Англияға 2015 жылы келген еді. Он жыл ішінде ол клуб тарихындағы ең жарқын кезеңдердің біріне үлес қосты:

• 413 матч
• 106 гол
• 6 Англия чемпиондығы
• Чемпиондар лигасындағы алғашқы жеңіс

«Әрбір оқиғаның соңы болады. Бірақ бұл тарау сөзсіз менің өмірімдегі ең үздік кезең болды. Манчестерге арман қуып келдім. Бұл қаланы, жанкүйерлерді және осы клубты ешқашан ұмытпаймын», — деп жазды Де Брюйне.

Кевин Премьер-лига тарихындағы үздік ассистенттердің бірі ретінде есте қалады — ол нәтижелі пас саны бойынша Райан Гиггзден кейінгі екінші орында тұр (117).

«Сити» басшылығы Де Брюйне үшін арнайы қоштасу шарасын ұйымдастыратынын мәлімдеді. Ал ойыншының болашағы туралы нақты ақпарат әзірге жоқ — бұған дейін оған Сауд Арабиясы мен АҚШ клубтары қызығушылық танытқаны хабарланған болатын.

Біздің парақшамыздан футбол матчтарының барлық нәтижелерін Live форматта бірінші болып біліңіз!