Махачкаладағы Хабиб Нурмагомедов атындағы жекпе жек мектебі жұмысын тоқтатады

Championat.com порталының хабарлауынша, Махачкаладағы Абдулманап Нұрмағомедов атындағы әйгілі жекпе-жек мектебі өз қызметін тоқтатады. UFC Даңқ залының мүшесі Хабиб Нурмагомедовке тиесілі бұл оқу орнының орнына тұрғын үй кешенін салу жоспарланып отыр.

Дереккөздер мәліметінше, жаңа спорт мекемесі 2026 жылы Хабиб Нурмагомедовтың туған ауылы Хушетте ашылады деп күтілуде. Алайда бұл ақпарат мектеп өкілдері немесе спортшының өзі тарапынан ресми түрде расталған жоқ.

Айта кету керек, биылғы жазда бұл мектеп құқық қорғау органдарының тексеру нысанына айналған болатын. Тінту кезінде мектеп оқушылары сұраққа алынып, олардың Дағыстанға жасалған шабуылға қатысы бар деп күдіктелген Гаджимурад Кагировпен байланысы тексерілді.

Абдулманап Нұрмағомедов атындағы мектептің жабылуы Дағыстандағы спорт қауымдастығы үшін елеулі оқиға болып отыр. Бірақ болашақта ашылатын жаңа мекеме өңірдегі жекпе-жек өнерінің дәстүрін сақтап, жаңа таланттарды тәрбиелеу ісін жалғастырады деген үміт бар.