Лукашенко мен Путин Овечкинді тарихи рекордымен құттықтады

Пул Первого Telegram-арнасының хабарлауынша, Беларусь президенті Александр Лукашенко «Вашингтон Кэпиталз» капитаны Александр Овечкиннің тарихи жетістігін ерекше атап өтті.

Овечкин НХЛ тұрақты маусымдарында 895 шайба соғып, аңызға айналған Уэйн Гретцкидің бұрынғы рекордын жаңартты.

«Овечкин – жарайсың, біздің жігіт, орыс адамы. Рекордты мұнда емес, НХЛ-де жаңартты! Біреулерге ұнамауы мүмкін, спортшылар қызғаншақ қой. Бірақ қараңыз, бәрі қалай қуанды», — деді Беларусь көшбасшысы.

Лукашенко сондай-ақ Овечкиннің командалас серігі, беларусьтік хоккейші Алексей Протастың рекордқа жетудегі үлесін ерекше атап өтті.

Ресей президенті Владимир Путин де өз құттықтауын жолдады:
«Сіз аңызға айналған шеберлерді шайба саны бойынша басып оздыңыз. Осы елеулі оқиғамен құттықтаймын. Денсаулық, сәттілік және жауынгерлік рух тілеймін», — делінген құттықтау мәтінінде.