Луис Энрике: «ПСЖ» Чемпиондар лигасындағы үздік ойынын көрсетті

«RMC Sport» мәліметінше, «ПСЖ» клубының бас бапкері Луис Энрике Чемпиондар лигасының 1/8 финалының алғашқы матчында «Ливерпульден» 0:1 есебімен жеңілгеніне наразылығын білдірді.

«Бұл өте әділетсіз — біз Чемпиондар лигасындағы ең үздік ойынымызды көрсеттік. Олардың қақпашысы матчтың үздік ойыншысы болды. Футбол кейде әділетсіз болса да, мен өз командаммен мақтанамын», — деді Энрике «Canal+»-ке  берген сұхбатында.

Матч статистикасы «ПСЖ»-ның басымдығын анық көрсетті:
— «Соққылар: 28-2»
— «Бұрыштық: 14-2»
— «Доп иелену: 65%»

Хвича Кварацхелия да матч нәтижесіне қатысты пікір білдірді:

«ПСЖ бүгін үздік команда екенін көрсетті. Біз жеңіске немесе тең ойынға лайық едік, бірақ футбол осындай».