Лионель Мессидің күзетшісіне АҚШ-та алаңға шығуға тыйым салынды

Marca мәліметінше, «Интер Майами» жұлдызы Лионель Мессидің жеке күзетшісі Яссин Чеукоға АҚШ-та матч кезінде алаңға шығуға тыйым салынды.

Чеуко — ерекше өмірбаяны бар маман:
– бұрынғы арнайы жасақ сарбазы (теңіз күштері)
– жекпе-жек шебері
– ММА жекпе-жектеріне қатысқан

Ол бұған дейін матчтар кезінде алаңға шығып, Мессиді қорғаумен белсенді айналысқан.

«Еуропада жеті жылда тек алты рет алаңға шығу болды. Ал АҚШ-та 20 айда 16 бұзушы тіркелді. Мәселе менде емес. Маған Леоға көмектесуге мүмкіндік беріңіз», — деді Чеуко.

Ол MLS пен КОНКАКАФ шешімін құрметтейтінін атап өтті, бірақ қауіпсіздік мәселесінде бірлесіп жұмыс істеудің маңызды екенін де жеткізді:

«Менде еуропалық тәжірибе бар. Бұл шешімді қабылдаймын, бірақ біз бірге жұмыс істеуіміз керек», — деді ол House of Highlights-қа берген сұхбатында.

Біздің парақшамыздан футбол матчтарының барлық нәтижелерін Live форматта бірінші болып біліңіз!