«Лестер» тарихи антирекорд орнатты – команда өз алаңында қатарынан алты матчта жеңілді

BBC Sport хабарлағандай, «Лестер» Англияның жоғары дивизионында  жағымсыз рекорд орнатты – команда қатарынан алты рет өз алаңында гол соға алмай жеңіліс тапты.

«Түлкілердің» жанкүйерлері жұма күнгі матчта «Кинг Пауэрден» 0:2 есебі тіркелген сәтте-ақ (27-минутта) кете бастады. Ал 32-минутта Кристиан Нёргор гол соққаннан кейін 0:3 болғанда, стадионнан жаппай шығып кетті.

Капитан Джейми Варди жағдайға қатысты:

«Біз бұған ештеңе істей алмаймыз. Әркімнің өз пікірі мен оны білдіруге құқығы бар – жанкүйерлер осылай шешті. Бұл олардың таңдауы, ал біз өз ойынымызға назар аударуымыз керек», – деп мәлімдеді.

Бас бапкер Рууд ван Нистелрой, команда тізгінін «Манчестер Юнайтедтен» кеткеннен кейін үш ай бұрын қабылдаған болатын. Ол жағдайдың күрделі екенін мойындады:

«Бұл – үлкен кері қадам. Біздің ‘Брентфордпен’ деңгей айырмашылығымыз айтарлықтай болды, бұл біздің болашағымызға алаңдаушылық тудырады».

Клубтың қазіргі басты проблемалары:

• Екі айдан бері өз алаңында гол соға алмауы
• Соңғы 11 матчтың 10-ында жеңілуі
• 50 млн фунттан астам сомаға жасалған сәтсіз жазғы трансферлер
• Басшылық пен жанкүйерлер арасындағы алшақтықтың артуы

Қазіргі уақытта «Лестер» турнир кестесінде соңғыдан бір саты жоғары орында тұр. Команда «Ипсвичпен» (18-орын) тең ұпай жинаған, ал «Вулверхэмптоннан» (17-орын) екі ұпайға артта қалып отыр.