Ковингтон жеңілістен кейін Джон Джонстың мазақтарына жауап берді

Fighttime.ru хабарлауынша, UFC-дің жартылай орта салмақтағы бұрынғы уақытша чемпионы Колби Ковингтон Джон Джонстың Хоакин Баклиден жеңілісінен кейінгі мазақ еткен пікірлеріне жауап берді.

Әлеуметтік желілерде жарияланған бейнежазбада «Хаос» лақап атымен танымал Ковингтон Джонс туралы өз көзқарасын білдірді:
«Джонс мен туралы айтады, өйткені ол тартымды әрі құрметті болып көрінгісі келеді. Бірақ есірткіге тәуелді болған кезде және жүкті әйелдерге қарсы қылмыс жасаған кезде, ол барлық құрметінен айырылды.»

Ковингтон Джонсты түрлі заңбұзушылықтар мен этикалық мәселелерге айыптай отырып, өз сөзін жалғастырды:
«Джонға құрмет жоқ. Ол мансабында алаяқтық жасады, әйелін алдады, салықтан жалтарды – бұл оны қорқынышты адам етеді. Сондықтан ол мен туралы сөйлеп отыр: заңға бағынатын азамат, әскери күштер мен Трампты қолдайтын адам туралы. Джон Джонс әрі қарай жүре берсін!»

Айта кетейік, Ковингтонның Тампадағы UFC on ESPN 63 турнирінде Хоакин Баклимен жекпе-жегі үшінші раундтың соңына 18 секунд қалғанда техникалық нокаутпен аяқталды. Жекпе-жекті төреші Дэн Мираглиотта Ковингтонның оң көзінің ауыр жарақатына байланысты дәрігердің ұсынысымен тоқтатты.

Сонымен қатар, Ковингтон бұған дейін қазақстандық UFC жауынгері Шавкат Рахмоновты «егеуқұйрық» деп атап, оны ұрыстан қашты деп айыптаған еді.