КХЛ матчтан кейінгі қол алысу дәстүрінен бас тартпайды

«Матч ТВ» хабарлағандай, Континентальдік хоккей лигасы соңғы оқиғаларға қарамастан матчтан кейінгі қол алысу рәсімін сақтайды.

Талқылауға екі жанжал себеп болды:

• «Торпедо» – «Ак Барс» (5:1) матчынан кейін қақпашылар Иван Кульбаков пен Амир Мифтахов төбелесті.
• «Спартак» – «Динамо» (3:2) кездесуінде Максим Комтуа мен Иван Морозов қол алысудан бас тартты.

КХЛ баспасөз қызметі: «Матчтан кейінгі қол алысу спорттық регламенттің 48-бабында бекітілген. Бұл – қарсыласты құрметтеу және алғыс білдіру белгісі», – деп мәлімдеді.

Лига мұндай жағдайлардың сирек болатынын және дәстүрдің 10 жылдан астам уақыт жалғасып келе жатқанын атап өтті. КХЛ-дің пікірінше, матчтан кейінгі қол алысу – хоккейшілер эмоцияларын мұзда қалдырып, жанкүйерлерге спорттық құндылықтарды көрсету мүмкіндігі.