Кейн Веласкеске бес жыл бас бостандығынан айыру жазасы тағайындалды

ESPN мәліметі бойынша, Санта-Клара округтік соты UFC-дің бұрынғы чемпионы Кейн Веласкеске кісі өлтіруге оқталғаны және атыс қаруын заңсыз қолданғаны үшін бес жыл түрме жазасын берді.

Оқиға шамамен үш жыл бұрын Сан-Хоседе болған. Веласкес өзінің баласына зорлық-зомбылық жасады деп айыпталған адамның көлігіне бірнеше рет оқ атқан.

Прокуратура оған қарсы он айып тақты, оның ішінде қасақана кісі өлтіруге әрекет жасау бар, бұл үшін 25 жылдан өмір бойына дейін бас бостандығынан айыру жазасы қарастырылған. Алайда қорғаушы тарап шартты жаза беруді талап етті.

Веласкес сегіз ай тергеу изоляторында отырды, кейін бір миллион доллар кепілдікпен босатылды. Қазіргі таңда оған тағайындалған бес жылдық мерзімнен үш жылы есепке алынды.

Біздің парақшамыздан футбол матчтарының барлық нәтижелерін Live форматта бірінші болып біліңіз!