Қазақстандық теннисші Португалиядағы турнирде жеңіліп қалды

Португалияның Оэйраш қаласында ATP Challenger сериясы бойынша турнир өтіп жатыр, деп хабарлайды Prosports.kz.

Қазақстандық теннисші Дмитрий Попко жұптық сында бірінші айналымдағы кездесуін өткізді.

Ширек финалға шығу үшін өткен ойында молдовалық Раду Альботпен бірге қазақстандық теннисші Василий Кирков (АҚШ)/Барт Стивенс жұбынан (Нидерланд) 4:6, 3:6 есебімен жеңіліп қалды.

Енді Попко өнерін жекелей сында екінші айналымда жалғастырып, жерлесіміз Бейбіт Жұқаевпен өнер көрсетеді.

Сондай-ақ, екінші айналымға тағы бір қазақстандық Денис Евсеев шығады. 1/4 финалға шығу үшін Евсеев Валентин Ройермен (209 ATP) ойнайды.