Қазақстандық теннисші ATP рейтингінде 70 позицияға көтерілді

Кәсіби теннисшілер қауымдастығы (ATP) жекелей және жұптық разрядтар бойынша жаңартылған рейтингті жариялады.

Жекелей сында көшбасшылықты Янник Синнер иеленді. Итальяндық теннисші биылғы маусымда тұрақты нәтижелер көрсетіп, рейтингтің бірінші сатысына шықты. Оның артынан Александр Зверев (Германия) және Карлос Алькарас (Испания) орналасқан.

Қазақстандық теннисшілер арасында келесі өзгерістер тіркелді:

• Александр Бублик — үш сатыға көтеріліп, 77-орынға шықты
• Александр Шевченко — жеті сатыға төмендеп, 105-орында
• Михаил Кукушкин — 160-орнын сақтап қалды
• Тимофей Скатов — бір сатыға жақсарып, 174-орында
• Дмитрий Попко — 70 позицияға алға жылжып, 175-орынға көтерілді
• Бейбіт Жұқаев — 23 сатыға жоғарылап, 192-орынға шықты

Жұптық разрядта рейтингтің бірінші сатысында Марсело Аревало (Сальвадор) мен Мате Павич (Хорватия) тұр. Үшінші орында — финляндиялық Харри Хелиёваара.

Қазақстан атынан жарысатын Александр Недовесов он саты төмендеп, 84-орынға түсті. Ал Александр Бублик бұл тізімде 133-орынға жайғасты.