Қазақстандық теннисші Аргентинада өткен ITF жұптық турнирінің финалына жолдама алды

Қазақстандық теннисші Жібек Құламбаева өзінің итальяндық серіктесі Николь Фосса Уэргомен бірге Аргентина астанасында өткен ITF турнирінің жартылай финалында жеңіске жетті. Құламбаева мен Фосса Уэрго жапондық Юки Найто мен грек Элени Кристофи жұбын табанды күресте 5:7, 6:4, 10:8 есебімен жеңіп, финалға жолдама алды. Матч 2 сағат 3 минутқа созылды.

Енді финалда қазақстандық-итальяндық жұп бразилиялық Каролина Альвес пен аргентиналық Джулия Риера тандемімен кездеседі.

Сонымен қатар, Жібек Құламбаева Буэнос-Айрестегі турнирдің жекелей санатында да өнер көрсеткен болатын, бірақ оның жекелей жарысы ширек финалда 4:6, 3:6 есебімен испандық Ирен Бурильо Эскориуэлеге жеңілуімен аяқталды. Құламбаева қазіргі уақытта WTA рейтингінде 342-орында тұр.