Қазақстандық чемпион даулы жекпе-жектен кейін әлемдік рейтингте төмендеді

Boxrec.com мәліметіне сәйкес, кәсіби боксшы Ангелина Лукас (14-1, 7 КО) жеңіл салмақтағы жаңартылған рейтингте бір саты төмендеп, 12-орынға түсті.

Екі апта бұрын Стамбулда (Түркия) өткен бокс кешінде ол боливиялық қарсыласы Есения Токоны (1-1, 0 КО) жеңді. Жекпе-жек 2-раундта аяқталды.

Назар аударарлық жайт – жекпе-жек барысында даулы оқиға орын алды. Бейнежазбада Лукастың қарсыласын тістеген сәті анық көрінді, бірақ төреші бұл эпизодты елемеді.

2025 жылдың басында қазақстандық боксшы әсерлі серия көрсетті. 20 күн ішінде үш жекпе-жек өткізіп, бәрінде жеңіске жетті:
• нигериялық Айисат Орийоми (9-1, 6 КО)
• венесуэлалық Джоана Суньига (19-9-1, 12 КО)
• боливиялық Есения Токо (1-1, 0 КО)