Қазақстан U-17 қыздар құрамасы Еуро-2025 іріктеуінде Эстониямен тең түсті

Белфастта 17 жасқа дейінгі қыздар арасындағы 2025 жылғы Еуропа чемпионатының іріктеу турнирінің В лигасы 1-тобының екінші кезеңі өтті. Қазақстан әйелдер құрамасы Эстония командасымен кездесті.

Солтүстік Ирландиядағы бейтарап алаңдағы ойын нәтижелі тең есеппен аяқталды — қарсыластар екі голдан соқты. Алғашқы голды эстониялық футболшылар салды — 8-минутта Грете Гросс есеп ашты. Қазақстан құрамасы Данагүл Ахметжан 21-минутта және Ару Ермағамбетова 33-минутта соққан голдармен жауап қайтарды. Соңғы есепті 52-минутта қақпаға гол соққан Елизавета Южанинова белгіледі — 2:2.

Бұл топта Черногория мен Солтүстік Ирландия құрамалары да өнер көрсетуде — квартет жеңімпазы А Лигасының бірінші кезеңіне қатысу құқығына ие болады.