Қазақстан құрамасының хоккейшісі «Салават Юлаевқа» қарсы матчта гол соқты

Sportbox.ru хабарлауынша, Владивостокта (Ресей) КХЛ тұрақты біріншілігінің жергілікті «Адмирал» мен Уфаның «Салават Юлаев» командалары арасындағы матч өтті.

Қонақтар мықтырақ болып шықты, кездесудің қорытынды есебі уфалық команданың пайдасына 6:3 болды. Жеңімпаздар құрамында: Даниил Алалыкин, Артем Набиев, Скотт Уилсон, Джошуа Ливо, Петр Хохряков және Шелдон Ремпал гол соқты.

Алаң иелері жағынан: Қазақстан ұлттық құрамасының шабуылшысы Аркадий Шестаков (ол тағы да өз нәтижелілігін дәлелдеді), Джек Родуолд және Даниил Гутик көзге түсті.

«Салават Юлаев» — қатарынан үшінші жеңісіне қол жеткізіп 81 ұпай жинады да Шығыс конференциясының турнирлік кестесінде үшінші орынға орналасты; «Адмирал» (63 ұпаймен) жетінші орында тұр.