Қазақстан ерлер құрамасы қысқы Азия ойындарында биатлон эстафетасында күміс жүлдегер атанды

Sports.kz мәліметінше, Харбиндегі қысқы Азия ойындарында ерлер арасындағы 4×7,5 км биатлон эстафетасы өтті. Қазақстан құрамасы — Александр Мухин, Асет Дюсенов, Кирилл Бауэр және Владислав Киреев — екінші орынға ие болды.

Жарыс барысында бірнеше рет көш бастап тұрған қазақстандық спортшылар Жапония құрамасынан 58,4 секундқа қалып қойды. Үшінші орынды Қытай командасы 1 минут 12,4 секунд айырмашылықпен иеленді.

Азиада-2025 ойындарының жалпы қорытындысы бойынша Қазақстан құрамасының қоржынында 17 медаль бар: 3 алтын, 8 күміс және 6 қола. Сондай-ақ дәл осы күні әйелдер биатлон эстафетасында Қазақстан құрамасы қола медаль жеңіп алды.