«Каспий» соңғы минутта «Қайратпен» тең ойынды жіберіп алды

Футзалдан Қазақстан чемпионатының 21-турында ақтаулық «Каспий» өз алаңында алматылық «Қайратты» қабылдап, тартысты матч қонақтардың жеңісімен аяқталды.

Бірінші таймда тең ойын өрнегі байқалды, алайда 11-ші минутта Кайо Руиз алматылықтар пайдасына есеп ашты. Үзілістен кейін, 28-ші минутта, Кнауб есепті 0:2-ге жеткізіп, қонақтардың басымдығын арттырды.

Алаң иелері жауапты шабуылдарын күшейтіп, 34-ші минутта Қарақұлов гол соғып, есеп айырмасын қысқартты. Кейін 37-ші минутта сол Қарақұлов нәтижелі соққысымен есепті теңестірді – 2:2. Алайда матчтың соңғы секундтарында Алиссон жеңіс голын соғып, «Қайратқа» 3:2 есебімен жеңіс сыйлады.