Карим Бензема ағымдағы маусымнан кейін мансапты аяқтауды қарастыруда

Championat.com порталының хабарлауынша, Сауд Арабиясының «әл-Иттихад» клубының 36 жастағы француз шабуылшысы Кәрім Бензема ағымдағы маусымның соңында кәсіби мансабын аяқтауды жоспарлауы мүмкін.

Испаниялық Relevo басылымының мәліметінше, Бензема әзірге нақты шешім қабылдамаған. Алайда, мансабын аяқтау туралы ойлануға итермелейтін бірнеше фактор бар екенін мойындаған. Соған қарамастан, «әл-Иттихад» клубы француз форвардының келісімшарты аяқталатын 2026 жылға дейін ойынын жалғастыратынына сенім артады.

2023 жылдың жазында Бензема «әл-Иттихадқа» еркін агент ретінде қосылды. Ағымдағы маусымда ол барлық турнирлерде 11 матчқа қатысып, 10 гол соғып, 3 нәтижелі пас берді.

Қызықты жайт, Бензема ойын мансабын аяқтағаннан кейін мадридтік «Реалдың» елшісі қызметін атқару туралы келісімге келген. Бұл шабуылшының мансабынан кейін де футбол әлемімен байланысын сақтауға ниетті екенін көрсетеді.

Transfermarkt порталының мәліметі бойынша, Бенземаның қазіргі нарықтық құны 8 миллион еуроны құрайды. Жасына қарамастан, ол әлі де жоғары деңгейде өнер көрсетіп, «әл-Иттихад» үшін құнды ойыншы болып отыр.