Иван Юрич «Саутгемптонның» бас бапкері қызметінен кетті — клуб маусымда үшінші рет жаттықтырушы ауыстырды

BBC Sport мәліметінше, Иван Юрич Англия Премьер-лигасынан түсіп қалу қаупі туындаған соң «Саутгемптонның» бас бапкері қызметінен кетті. Оның жетекшілігімен команда 16 ойында небәрі екі рет жеңіске жеткен.

Клуб уақытша бас жаттықтырушы ретінде Саймон Раскті тағайындады — ол маусым соңына дейін сегіз матчқа жетекшілік етеді. Бұл — өткен маусымда Натан Джонстың көрсеткішіне тең нәтиже.

«Саутгемптон» соңғы жылдары бапкерлерді жиі ауыстырып келеді. Премьер-лига тарихында бір маусымда үш бапкерді ауыстырған жағдайлар бұрын да кездескен. Мұндай жағдайға:

• «Саутгемптон» (2022-23, 2004-05),
• «Фулхэм» (2013-14, 2018-19),
• «Уотфорд» (2019-20, 2021-22),
• «Лидс» (2022-23)

секілді клубтар тап болған.

Клубтың техникалық директоры Йоханнес Спорс жаңа бас бапкерді іздеуді бастап кетті. Басты үміткер — қазіргі уақытта Чемпионшипте 13-орында тұрған «Шеффилд Уэнсдейдің» жаттықтырушысы Дэнни Роль. Ол бұған дейін «Саутгемптонда» Ральф Хазенхюттльдің көмекшісі болған.

«Мен Дэнниді көптен бері білемін. Жұмысымның маңызды бөлігі — талантты бапкерлерді анықтап, оларды клубқа тарту. Біз «Саутгемптонды» қайта құрғымыз келеді», — деді Спорс.

Біздің парақшамыздан футбол матчтарының барлық нәтижелерін Live форматта бірінші болып біліңіз!