Иван Федотов «Билл Мастертон Трофиіне» үміткер атанды

NHL ресми сайтының хабарлауынша, «Филадельфия Флайерз» қақпашысы Иван Федотов спортқа адалдығы, кәсіби шеберлігі және төзімділігі үшін берілетін беделді «Билл Мастертон Трофиіне» үміткерлер тізіміне енді.

Клубтың бас менеджері Даниэль Бриэр ресейлік қақпашының кандидатурасына жоғары баға берді:

«Иван – мінсіз таңдау. Ол NHL-де ойнау арманынан ешқашан бас тартқан емес. Оның маусым бойы күн сайын көрсетіп жүрген төзімділік деңгейі бізді – жаттықтырушылар мен командаластарды таңғалдыруда», — деді Бриэр.

Ағымдағы маусымда Федотов 25 ойынға қатысып, 88,1% соққыны қайтарып, 3,12 сенімділік коэффициентімен 6 жеңіске қол жеткізді.

Марапатқа үміткер өзге ойыншылар:

• Джон Таварес («Торонто»)

• Марк-Андре Флери («Миннесота»)

• Шон Монахан («Коламбус»)

• Джордан Стаал («Каролина»)

• Давид Перрон («Оттава»)

• Майк Райлли («Айлендерс»)

Бұл марапат спорттық адалдық пен табандылықты танытқан ойыншыға жыл сайын табысталады. Қазіргі иегері — «Аризона» қақпашысы Коннор Ингрэм. Жаңа жеңімпаздың есімі маусым соңында белгілі болады.