Италияда ВАР жүйесі жанкүйерлер үшін ашық бола түседі

«Джанлука Ди Марцио» сайтының хабарлауынша, Италия футболы төрешіліктің ашықтығын жаңа деңгейге көтеруде — енді жанкүйерлер ВАР жүйесін қолдану кезінде төрешілермен тікелей байланыса алады.

2024/25 маусымында «Италия Кубогының» жартылай финалы мен финалында стадиондағы көрермендер бейнеқайталаулардан кейін төрешілердің тікелей түсіндірмелерін ести алады.

Сонымен қатар, «Серия А»-ның 30-турынан бастап арнайы VARDict графикасы енгізіледі — ол жанкүйерлерге даулы эпизодтар бойынша тексерулердің қалай жүріп жатқанын хабарлап отырады.

Hawk-Eye компаниясының төрешілік байланыс жүйесіне біріктірілген бұл технологиялық шешімнің арқасында көрермендер қабылданған шешімдердің себебін төрешілерден тікелей ести алады.

Жаңа жүйе IFAB-тың жақында қабылдаған шешіміне сәйкес және «Италия футбол федерациясының» қолдауымен жүзеге асырылуда.

Біздің парақшамыздан футбол матчтарының барлық нәтижелерін Live форматта бірінші болып біліңіз!