Исраил Мадримов Сауд Арабиясында маңызды титулдық жекпе-жек өткізеді

Olamsport.com хабарлауынша, кәсіпқой боксшы Исраил Мадримов (10-1-1, 7 КО) маңызды титулдық жекпе-жекке дайындалу үшін Сауд Арабиясына келді.

Эр-Риядта өтетін ауқымды бокс кешінде (22 ақпан 2025 жыл) 29 жастағы өзбекстандық спортшы жеңілмеген америкалық боксшы Вирджил Ортис-кішімен (22-0, 21 КО) жұдырықтасады. Бұл айқаста бірінші орта салмақтағы WBC уақытша чемпиондық белбеуі сарапқа салынады. «Өзбек GGG» атанған Мадримовты АҚШ-тан келген 26 жастағы мықты қарсыласпен 12 раундтық тартыс күтіп тұр.

Бокс кешінің басты оқиғаларының бірі саналатын бұл жекпе-жек жанкүйерлер арасында үлкен қызығушылық тудырып отыр.