Ирландия құрамасы Болгарияға қарсы ойын алдында өзгерістер енгізді

Ирландия құрамасының бапкерлер штабы Ұлттар лигасының Болгарияға қарсы плей-офф матчтары алдында құрамға мәжбүрлі өзгерістер жасады.

«Сток Ситиден» Эндрю Моран мен «Саутгемптоннан» Райан Мэннинг ұлттық құрамаға шақырылды. Олар жарақат алған Уилл Смолбон мен Каллум О’Дауданың орнына қосылды.

Хеймир Хальгримссонның шәкірттері алғашқы ойынды бейсенбі күні Пловдивте, ал жауапты кездесуін жексенбіде Дублинде өткізеді. Ирландиялықтар C3 тобында екінші орын алған командамен В Лигасында өнер көрсету құқығы үшін таласады.

Жаңа ойыншылар жексенбіде команда орналасқан жерге келіп, дүйсенбіде алғашқы жаттығуына қатысады.

Ирландия құрамасының тізімі:

Қақпашылар:
Келлехер («Ливерпуль»), Трэверс («Мидлсбро», «Борнмуттан» жалға алынған), Базуну («Стандард», «Саутгемптоннан» жалға алынған)

Қорғаушылар:
О’Брайен («Эвертон»), Дохерти («Вулверхэмптон»), Коллинз («Брентфорд»), О’Ши («Ипсвич»), Данн («КПР»), Абанква («Уотфорд», «Удинезеден» жалға алынған), Брэди («Престон»), Мэннинг («Саутгемптон»)

Жартылай қорғаушылар:
Каллен («Бернли»), Найт («Бристоль Сити»), Тейлор («Ипсвич»), Сайкс («Бристоль Сити»), Азаз («Мидлсбро»), Моран («Сток», «Брайтоннан» жалға алынған)

Шабуылшылар:
Фергюсон («Вест Хэм», «Брайтоннан» жалға алынған), Ида («Селтик»), Парротт («АЗ Алкмар»), Армстронг («Бристоль Сити»), Джонстон («Вест Бром»), Вата («Уотфорд»)