Илайш Мориба «Барселонадан» кетуі қате шешім болғанын мойындады

Mundo Deportivo мәліметі бойынша, жартылай қорғаушы Илайш Мориба каталон клубынан кетуі қате шешім болғанын мойындады.

Шамамен төрт жыл бұрын жас футболшы «Барселона» басшылығымен жаңа келісімшарт жасай алмады. Келісімшарт шарттары бойынша келіспеушіліктерге байланысты ойыншы немістің «РБ Лейпцигіне» ауысты.

YouTube арнасындағы жуырдағы сұхбатында 22 жастағы жартылай қорғаушы өз ойымен бөлісті:

«Барсадан кеткенім – қателік болды. Тым жас едім және қатты қысым астында болдым. Бір сәтте бәрі аяқталды деп ойладым, бірақ қазір «Сельтадағы» ойынымнан қанағаттанамын», – деді Мориба.

Қазіргі уақытта жалға алу негізінде галисиялық клубта өнер көрсетіп жүрген футболшы бұрынғы ойын-формасын қайтаруға тырысуда.