Хорватия Ұлттар лигасының ширек финалының алғашқы матчында Францияны жеңді

УЕФА Ұлттар лигасының ширек финалдық алғашқы матчында Хорватия құрамасы Сплиттегі «Полюд» стадионында Франция командасын 2:0 есебімен жеңді, деп хабарлайды Championat.com.

Норвегиялық Эспен Эскос басқарған төрешілер бригадасы жүргізген ойынды үй иелері белсенді бастады, сегізінші минутта Андрей Крамарич пенальтиді орындай алмады.

26-шы минутта Анте Будимир хорваттарды алға шығарды. Шабуылшы Иван Перишичтің қапталдан берген пасынан кейін басымен дәл соқты. Үзіліс алдында Перишич өз командасының басымдылығын еселеді — 2:0.

Қайтару кездесуі жексенбіде Францияда өтеді. Еске сала кетейік, өткен жылғы финалда хорваттарды пенальти сериясында жеңген Испания құрамасы қазіргі трофей иегері болып табылады.