ХОК олимпиада чемпиондары Иман Хелиф пен Линь Юйтинге қатысты наразылықтарға жауап берді

«Матч ТВ» хабарлағандай, Халықаралық Олимпиада комитеті (ХОК) Олимпиада чемпиондары Иман Хелиф пен Линь Юйтиннің мәртебесіне қатысты туындаған дауға ресми жауап берді.

Халықаралық бокс қауымдастығы (IBA) аталған спортшылардың 2024 жылғы Олимпиадаға қатысуына байланысты Швейцарияның бас прокурорына шағым түсірмек. Екі боксшы да өз салмақ дәрежесінде Олимпиада алтынын иеленді.

ХОК мәлімдемесінде:

• Линь Юйтин мен Иман Хелиф – трансгендер емес, олар әйел болып туылған және мансап бойы әйелдер санатында өнер көрсеткен.
• Бұған дейін 2020 Олимпиадасында жекпе-жекке шығып, медальсіз қалған.
• ХОК олимпиадалық қозғалыстан шеттетілген IBA-ның 2023 жылғы Үндістандағы әлем чемпионатында спортшыларды жарамдылық талаптарына сәйкес келмейді деген себеппен кенеттен жарыстан шеттетуі даудың басталуына түрткі болғанын атап өтті.

Спортшылардың жекпе-жек статистикасы:

• Линь Юйтин: 40 жекпе-жек, мерзімінен бұрын жеңіс – 1 (3%)
• Иман Хелиф: 37 жекпе-жек, мерзімінен бұрын жеңіс – 5 (14%)