Гвардиола «Манчестер Ситиге» Мессиді жалға алуға ниетті

Манчестер Ситидің жаттықтырушысы Хосеп Гвардиола Лионель Мессиді өз командасына тартуды қарастыруда. Испандық маман маусым аяқталғанға дейін аргентиналық форвардты жалға алуды жоспарлап отыр.

Итальяндық Tuttosport басылымы Гвардиола Мессиді ағылшын клубының нәтижелерін жақсартудың маңызды кілті деп санайды деп хабарлайды. «Қала тұрғындарының» бапкері аргентиналықтың тәжірибесі мен шеберлігі кубоктар үшін күресте шешуші рөл атқаратынына сенімді.

Сонымен қатар, Интер Майамидің тең иесі Дэвид Бекхэм, егер Месси Премьер-лигада ойнағысы келсе, оған кедергі жасамайтынын мәлімдеді. Ағылшын аңызы жұлдызды ойыншыны уақытша Манчестер Ситиге жалға беруге дайын.

2023 жылдың жазында Интер Майамиге ауысқаннан бері Месси керемет нәтиже көрсетіп келеді. 39 матчта аргентиналық 34 гол соғып, 19 нәтижелі пас берді, бұл оның әлемдегі ең мықты футболшылардың бірі екенін тағы да дәлелдеді.

Естеріңізге сала кетейік, АҚШ-қа көшкенге дейін Месси француздық ПСЖ сапында ойнап, клубтан еркін агент ретінде кеткен болатын. Енді футбол әлемі оның, тіпті қысқа мерзімге болса да, еуропалық футболға қайта оралуын үлкен қызығушылықпен бақылауда.