Губерниев: «Овечкиннің күні» туралы бастаманы Ресейде кейінірек талқылаған жөн

«Спорт-Экспресс» мәліметінше, комментатор Дмитрий Губерниев АҚШ-та 11 сәуірді Александр Овечкин күні деп жариялау туралы Вашингтон мэрі Мюриэл Боузердің шешіміне пікір білдірді.

Айта кетейік, бұл бастама Овечкиннің Уэйн Гретцкидің рекордын жаңартып, НХЛ тарихындағы ең нәтижелі ойыншы атануымен байланысты. Шабуылшы тұрақты чемпионаттардағы 895-ші шайбасын соқты.

Губерниевтің сөзінше, Овечкин — ерекше спортшы, бірақ мұндай құрметті тек шетелде емес, Ресейде де лайықты түрде көрсету керек:

«Овечкин, әрине, өте көрнекті спортшы. Бірақ неге, мысалы, Всеволод Бобровтың мерекесі жоқ? Евтушенко айтқандай: «Орыс футболының Шаляпині, Ресейдегі шайбаның Гагарині»», — деді ол.

Комментатор Ресейде Овечкин күні сияқты бастамаларды ол отанына оралғаннан кейін ғана қолға алған жөн екенін атап өтті. Оның пікірінше, қазір бұл тақырыпты көтеру ерте.