Грузия құрамасының экс-шабуылшысы футболшылардың билікке келуі туралы пікір білдірді

Euro-Football.ru сайтының хабарлауынша, Мәскеудің «Локомотив» клубы мен Грузия құрамасының бұрынғы шабуылшысы Заза Джанашия футболшылардың саясатқа араласуы туралы ойымен бөлісті.

«Хвичаның мансабын аяқтағаннан кейін саясатқа баруы екіталай, оның алдында футболда әлі ұзақ жол бар. Тбилисидің әкімі мен ел президентінің футболшы болуы – Грузия үшін өте жақсы. Қазір елде бәрі қалыпты және тыныш (бұл қуантады). Ал мықты грузин ойыншылары мансабының соңында отанына оралса тіпті керемет болар еді.»

Қазіргі уақытта Тбилиси әкімі қызметін «Миланның» экс-қорғаушысы Каха Каладзе атқарса, Грузия президенті болып «Алания» мен «Манчестер Ситидің» бұрынғы ойыншысы Михаил Кавелашвили қызмет етуде.