Футзалдан Португалия құрамасының бас баспкері Қазақстаннан жеңілгені туралы пікір білдірді

Sports.kz хабарлауынша, футзалдан Португалия құрамасының бас бапкері Жорже Браз 2024 жылғы әлем чемпионатының 1/8 финалында Қазақстаннан 1:2 есебімен жеңілгеннен кейін өз ойларымен бөлісті.

Матчтың нәтижесіне қарамастан, португалиялық бапкер командасына деген терең құрметін және олардың атқарған жұмыстары үшін мақтаныш сезімін білдірді.

«Жүрегімде біз жасаған барлық жұмысымыз үшін, аяқтауды жоспарламаған жолымыз үшін, әр ойыншының еңбекқорлығы мен адалдығы үшін шексіз мақтаныш бар», – деді Браз.

Ол әлем чемпионатына ұзақ уақыт бойы дайындықтың маңыздылығын және турнирдің команда үшін ерекше маңызы бар екенін атап өтті. Сондай-ақ бапкер өз ойыншыларының кәсібилігі мен командалық рухын жоғары бағалады:

«Бұл он төрт ойыншы спортшы әрі команданың бір бөлігі болудың тамаша үлгісі болып қала береді. Осындай қиын сәтте де мен олардың жетістіктеріне таңданбай тұра алмаймын.»

Жорже Браз нәтижеге көңілі толмағанын және қатты ренжігенін мойындады. Дегенмен, ол командасының бүкіл дайындық пен өнер көрсету кезеңіндегі жетістіктерімен мақтанатынын айтып өтті және барша жанкүйерлерді осы аспектке назар аударуға шақырды.

Сөзінің соңында португалдық маман қарсыласы Қазақстан құрамасына және оның бас бапкері Какаға құрмет көрсетті:

«Қазақстанды және Кака жаттықтырушысын шын жүректен құттықтаймын, олар табанды күресте өздерін лайықты қарсылас ретінде көрсетті. Оларға турнирдің келесі кезеңдерінде табыс тілеймін.»