Футболдан Қазақстан ұлттық құрамасының бас бапкері Станислав Черчесов қызметінен кетті.

Футболдан Қазақстан ұлттық құрамасының бас бапкері Станислав Черчесов өз қызметінен кетті. Бұл шешім екі тараптың өзара келісімі негізінде қабылданды.

Станислав Черчесов Қазақстан құрамасының тізгінін 2024 жылдың маусым айында ұстаған еді. Оның жетекшілігімен ұлттық құрама УЕФА Ұлттар лигасында барлығы алты матч өткізді. Бұл кездесулердің ішінде Қазақстан құрамасы тек Норвегия құрамасымен тең ойнап, бір ғана ұпайға ие болды. Өкінішке қарай, басқа матчтарда оң нәтижеге қол жеткізе алмады.

Черчесовтың қызметінен кетуімен бірге жаттықтырушылар штабы да толық құрамда өз қызметін тоқтатты. Қазақстан футбол федерациясы Станислав Саламұлы мен оның командасына атқарған жұмыстары үшін алғыс білдіріп, олардың алдағы мансабына сәттілік тіледі.

Қазіргі уақытта ұлттық құраманың жаңа бас бапкерін тағайындау үшін үміткерлер тізімі қарастырылып жатыр. Қазақстан футбол федерациясы жаңа бапкерді таңдауда команданың дамуы мен болашағы үшін маңызды шешім қабылдауды жоспарлап отыр.