«Фулхэм» «Ливерпульді» тарихи матчта жеңіп, еурокубоктарға бір қадам жақындады

Лондондық «Фулхэм» Англия Премьер-лигасының кезекті турында сенсациялық нәтижеге қол жеткізді — Марко Силваның шәкірттері өз алаңында «Ливерпульді» 3:2 есебімен тізе бүктірді. Бұл — мерсисайдтықтардың маусымдағы алғашқы сырт алаңдағы жеңілісі.

Осы жеңістен кейін «Фулхэм» 48 ұпаймен турнир кестесінде сегізінші орынға көтерілді. Клубтың 2008/09 маусымында тіркелген 53 ұпайлық рекордын жаңартуға жеті ойын мен небәрі бес ұпай қалды.

Кездесудің басты қаһарманы — бразилиялық шабуылшы Родриго Муниз. Ол Вирджил ван Дейк басқарған қонақтардың қорғанысын үнемі мазалап, бір сәтте допты әдемі тоқтатып, қақпашы Келлехерді қапы қалдырды.

«Команданың реакциясы керемет болды. Біз прессинг пен артқа пас беру сәттерін өте сауатты қолдандық. Ойын басынан-ақ толық жанкештілік таныттық», — деді Марко Силва матчтан кейінгі баспасөз мәслихатында.

Биылғы маусымда «Фулхэм» тұрақсыз ойнап келеді: бір жағынан, көшбасшыларды жеңсе, екінші жағынан аутсайдерлерге қарсы ұпай жоғалтқан кездесулер де аз болмады. Соған қарамастан, команда ұзақ үзілістен кейін еурокубоктарға қатысуға үміт арта бастады.

Біздің парақшамыздан футбол матчтарының барлық нәтижелерін Live форматта бірінші болып біліңіз!