Франц Тост: «Лиам Лоусон Юки Цуноданың жылдамдығына ешқашан жете алмайды»

Racing Bulls-тың бұрынғы басшысы Франц Тост Австрияның ORF телеарнасына берген сұхбатында Red Bull командасының маусым басында жасаған пилоттық таңдауына қатысты пікір білдірді. Жаңадан басталған маусымда Серхио Перестің орнына бастапқыда Лиам Лоусон қарастырылғанымен, екі жарыстан кейін таңдау Юки Цунода пайдасына өзгертілді.

«Мен бастапқыда Юки Цуноданы таңдар едім. Мен бұл туралы күзде айттым. Неге? Юки Лоусоннан әлдеқайда жылдам. Лоусонға 100 жыл берсеңіз де, ол Юкидің жылдамдығына жете алмас еді. Оның үстіне Юки тәжірибелірек — шешім айқын», — деді Тост.

Тәжірибелі маман Цуноданың басты артықшылығы — табиғи жылдамдығы мен жарыс тәжірибесі екенін атап өтті. Оның жалғыз әлсіз тұсы — эмоционалды мінезі, бірақ Тосттың айтуынша, бұл фактор дұрыс басқарылса, жапон пилоты төрт дүркін әлем чемпионының жанында да нәтижелі өнер көрсете алады.

Ал Лоусон енді мансабын Racing Bulls сапында жалғастырады — онда оның серіктесі жаңадан келген Исак Хаджар болады.