FIFA төрешілерге дене камераларын қолдануға рұқсат береді

FIFA.com хабарлағандай, 2025 жылы АҚШ-та өтетін клубтық әлем чемпионатында төрешілер алғаш рет матч кезінде дене камераларын (bodycam) қолданады. Бұл — футбол тарихындағы революциялық техникалық жаңалық болмақ.

FIFA төрешілер комитетінің төрағасы, аты аңызға айналған арбитр Пьерлуиджи Коллина бұл бастаманың маңыздылығына ерекше тоқталды:

«Бұл көрермендерге ойынды бұрын-соңды болмаған ракурстан тамашалау мүмкіндігін береді. Жаңа тәжірибе — футболды қабылдау мәдениетін байытады», — деді Коллина.

Жоғары деңгейлі футболда бұл технология алғаш рет Премьер-лигада сыналған болатын. Төреші Джарред Гиллетт дене камерасын «Кристал Пэлас» пен «Манчестер Юнайтед» арасындағы матчта қолданып көрді.

Камераларды қолдану басқа да турнирлерде оң нәтиже берді:

• Ағылшын әуесқой футболында төрешілерге бағытталған агрессия азайған

• Бундеслигада жоғары деңгейлі матчтарда технология сәтті қолданылған

• MLS-те (АҚШ чемпионаты) дене камералары трансляциялардың тұрақты бөлігіне айналған

2025 жылғы клубтық әлем чемпионаты маусым ортасында басталып, шілденің ортасына дейін жалғасады. Турнирге 32 команда қатысады, олардың қатарында «Челси» мен «Манчестер Сити» де бар.

Біздің парақшамыздан футбол матчтарының барлық нәтижелерін Live форматта бірінші болып біліңіз!