«FaZe Clan» капитаны команда нәтижелері туралы пікір білдірді

«FaZe Clan» капитаны Финн «karrigan» Андерсен соңғы турнирлердегі команданың ойындарын бағалады.

Оның айтуынша, «BLAST Bounty Spring 2025» турниріндегі нәтиже көңіл көншітпейді. Ал «IEM Katowice» жарысында «Team Vitality»-мен болған матчта жақсы мүмкіндік болғанымен, жеңісті уысынан шығарып алды.

«PGL Cluj-Napoca 2025» турнирінде «FaZe Clan» топтық кезеңнен өтті, бірақ күтпеген жерден «Team Falcons»-қа жол беріп, кейін «Astralis»-пен үшінші орын үшін күресуге мәжбүр болды.

Андерсен команданың жаңа құрамға үйренісуіне уақыт керек екенін мойындады. Ол «ropz»-тың орнына «EliGE» келгеннен кейін ойын жүйесін өзгерту қажет болғанын айтты.

Бүгін, 19 наурызда, «FaZe Clan» «BLAST Open Lisbon 2025» турнирінде «Virtus.pro»-мен кездеседі. Турнирдің жүлде қоры – 400 мың доллар.