F1 25 жарыс симуляторы 30 мамырда сатылымға шығады

EA Sports компаниясының танымал F1 25 жарыс симуляторының жаңа бөлімі 30 мамырда сатылымға шығады.

Жаңа шығарылымда әдеттегі Champion’s Edition орнына Iconic Edition ұсынылады. Бұл арнайы басылымның мұқабасында «Ferrari» сапына өткен Льюис Хэмилтон жаңа командасының түстерімен бейнеленеді.

Iconic Edition иелері ойынды 27 мамырдан бастап ойнай алады. EA Play және Xbox Game Pass Ultimate жазылушылары да ерте қолжеткізе алады. Стандартты басылым бағасы – 59,99 доллар, ал Iconic Edition – 79,99 доллар.

F1 25 ресми таныстырылымы ертең өтеді, алғашқы трейлер мен геймплей кадрлары көрсетіледі. My Team Career режимі жаңартылады, классикалық көліктер мен трассалар қайта оралады. Бірақ физикалық модельде үлкен өзгерістер болмайды.

EA/Codemasters пен Formula 1 арасындағы лицензиялық келісім 2025 жылдың соңына дейін жарамды, оны 2026 және 2027 маусымдарына ұзарту мүмкіндігі бар.

Біздің парақшамыздан футбол матчтарының барлық нәтижелерін Live форматта бірінші болып біліңіз!