Этникалық қазақ Меденова Сербияда әлем чемпионы атанды

Ресей құрамасы атынан өнер көрсететін этникалық қазақ Салтанат Меденова Сербияның Ниш қаласында өткен әйелдер арасындағы бокстан әлем чемпионатында алтын медаль жеңіп алды.

81 килограмм салмақ дәрежесіндегі финалдық кездесуде Меденова — Түркия өкілі Бюшра Ишилдармен кездесіп, төрешілердің бөлек шешімімен 4:1 есебімен жеңіске жетті.

Қазақ қызының қарсыласы тәжірибелі спортшы екенін атап өту керек — Ишилдардың жасөспірімдер мен жастар арасында Еуропа чемпионы атағы бес рет бар, сондай-ақ ересектер арасындағы құрлықтық біріншілікте қола медаль иегері.