Еркебұлан Сейдахмет «Ақтөбеге» ауысады

«Қайраттың» бұрынғы ойыншысы әрі шабуылшы Еркебұлан Сейдахмет «Ақтөбеге» ауысып, команданың оқу-жаттығу жиынына қатысады, деп хабарлайды Prosports.kz сайты «Серый CARDINAL»-ға сілтеме жасап.

«Қайраттың бұрынғы ойыншысы Еркебұлан Сейдахмет шынымен де «Ақтөбеге» ауысты. Ол екінші оқу-жаттығу жиынының басында жаңа командасына қосылады», — деп хабарлайды Telegram арна.

Жалпы, тараздық футболшы мансабында «Қайратта» 107 рет ойнап, сегіз гол соғып, 10 нәтижелі пас берді. Футболшы алматылық командадан бөлек, талдықорғандық «Жетісу» мен ресейлік «Уфа» клубында өнер көрсеткен.

Біздің парақшамыздан футбол матчтарының барлық нәтижелерін Live форматта бірінші болып біліңіз!