«Елімай» шабуылшысы «Астана» аңызымен достығы туралы айтты

Meta-ratings.kz мәліметі бойынша «Елімай» шабуылшысы Фейсал Мулич өзінің бұрынғы командаласы — «Астана» ардагері Марин Томасов туралы жылы лебізін білдірді.

«Уфф, қазіргі үздік ойыншы менің досым. Өте сапалы ойыншы. Марин әлі де жылдам, қақпаға соққы жасауда мықты,  соққылары дәл, ең бастысы ол керемет жігіт» — деді Мулич.

Қызығы 2,03 метр бойлы Мулич қазақстандық Премьер-Лигадағы ең ұзын футболшы болып табылады. Олардың жолы 37 жастағы хорват ойыншымен неміс клубы «Мюнхен 1860»-та қиылысқан — ал қазір 110 гол соққан Томасов елорда клубының тарихындағы үздік сұрмерген болып табылады.