Елена Рыбакинаның командасындағы өзгерістер жалғасуда

Punto de Break мәліметінше, әлемнің жетінші ракеткасы Елена Рыбакинаның командасында тағы бір өзгеріс орын алды. 2022 жылдан бері оның дене шынықтыру жаттықтырушысы болып қызмет еткен Азуз Симсич ынтымақтастықты тоқтатқанын мәлімдеді.

Теннис сарапшысы Хосе Морон қазақстандық спортшының айналасындағы тұрақсыз жағдайға назар аударды:

«Елена Рыбакинаның командасынан кетулер жалғасуда. Енді оның 2022 жылдан бері бірге жұмыс істеген дене шынықтыру жаттықтырушысы да командадан кетті. Онымен және Вуковпен болған жағдайды ескерсек, мұндай жағдайда жұмыс істеу оңай емес шығар.»

Айта кету керек, қазіргі уақытта WTA ұйымы Рыбакинаның бұрынғы бас жаттықтырушысы Стефано Вуковқа қатысты тергеу жүргізуде. Маманды этикалық кодексті бұзды және спортшыға қатігездік танытты деп айыптауда. Алайда, Рыбакина бұл айыптауларды жоққа шығарып, бұрынғы бапкері тарапынан қандай да бір теріс әрекет болғанын растамады.