Елена Рыбакина Индиан-Уэллсте жеңіс сериясын жалғастыруда

Қазақстандық теннисші Елена Рыбакина Индиан-Уэллстегі турнирде өз өнерін жалғастырып келеді.

Үшінші кезеңде Елена әлемнің 38-ші ракеткасы, британиялық Кэти Бултерді 6:0, 7:5 есебімен сенімді жеңді.

Матчтан кейін ол жанкүйерлерге алғысын білдіріп:

«Рақмет, барлығына. Жанкүйерлердің қолдауы маған ерекше мотивация береді. 2023 жылы титулды жеңіп алғанда да жанкүйерлердің қолдауы керемет болды. Күшім таусылған кезде, өз-өзімді жігерлендіріп, алға ұмтылуға тырысамын. Команданың қолдауы да үлкен рөл атқарады. Ең бастысы, ешқашан берілмей, күресе білу қажет. Сол кезде өз ойыныңды табасың» — деді Рыбакина.

Келесі кезеңде қазақстандық спортшы Клара Таусон (Дания) мен Мирра Андреева (Ресей) арасындағы матчтың жеңімпазымен кездеседі.