Елена Рыбакина Дубай турнирінде жартылай финалда сүрінді

Дубайда (БАӘ) өтіп жатқан беделді теннис турнирінің жартылай финалында әлемнің жетінші ракеткасы Елена Рыбакина ресейлік Мирра Андреевамен (WTA рейтингінде 14-орын) кездесті.

Қызу үш сеттік тартыста қазақстандық теннисші 4:6, 6:4, 3:6 есебімен жеңіліс тапты, осылайша жарысты жартылай финалда аяқтады.

Бұл жеңіліске дейін Рыбакина турнирдің бірнеше кезеңін сәтті еңсерген болатын:

• Моюка Утидзима (62-орын) – 6:3, 6:2
• Паула Бадоса (10-орын) – 4:6, 7:6, 7:6
• София Кенин (56-орын) – 6:2, 7:6

Биылғы турнирдің жалпы жүлде қоры 3 664 963 долларды құрайды. Жеңімпаз атанған спортшы 597 000 доллар мен 1000 рейтингтік ұпай иеленеді.