Елена Рыбакина бұрынғы бапкерінің шеттетілуі туралы пікір білдірді

Әлемнің жетінші ракеткасы Елена Рыбакина Әйелдер теннис қауымдастығының бұрынғы бапкері Стефано Вуковқа қатысты шеттету мерзімін ұзарту туралы шешіміне наразылығын білдірді.

«Мен бұл жағдай мен процестің өту барысына көңілім толмайды, бірақ басқа пікір айтқым келмейді», — деді ол Словакиялық Ребекка Шрамковадан жеңіске жеткеннен кейін.

Қазақстандық теннисші (қазір Давиде Сангвинеттимен жұмыс істейді) Дохадағы WTA-1000 турнирінің үшінші айналымынан кейін өткен баспасөз мәслихатында бұл тақырыпқа қатысты қосымша түсініктеме беруден бас тартты.

«Мен өз ойындарыма назар аударамын. Алаңға шыққанда тек ойын мен қарсыласым туралы ойлаймын. Бұл кезең ең жақсы болмаса да, өзімнің үздік теннисімді көрсетуге тырысамын», — деді Рыбакина.

Елена Рыбакина мен Вуковтың ынтымақтастығы 2019-2024 жылдар аралығында жалғасты. Осы уақыт ішінде спортшы Уимблдон-2022 жеңімпазы атанып, Australian Open-2023 финалына шықты және әлемдік рейтингте үшінші орынға көтерілді.