Джон Стоунз ауыр жарақат алды, Гвардиола жағдайдың күрделі екенін мойындады

Manchestercity.com хабарлауынша, «Манчестер Сити» қорғаушысы Джон Стоунз Чемпиондар Лигасының «Реал Мадридке» қарсы ойынында сан жарақатын алды. Ол кездесудің 8-ші минутында алаңнан кетуге мәжбүр болды.

Клубтың бас бапкері Пеп Гвардиола ойыншының жағдайына қатысты:

«Жағдай өте күрделі. Жақын күндері оған ота қажет пе, жоқ па, білетін боламыз», – деп мәлімдеді.

Манчестерлік клубтағы жарақат мәселелері күшейіп келеді. Бұған дейін Мануэль Аканжи сан жарақатына байланысты 10 аптаға дейін қатардан шығып қалатыны хабарланған. Сонымен қатар, команданың үздік сұрмергені Эрлинг Холандтың («Ливерпульге» қарсы маңызды матчқа қатысуы белгісіз) денсаулығына қатысты сұрақтар бар.

30 жастағы Стоунз үшін бұл жарақат маусымдағы алғашқы қиындық емес. Ол Премьер-лигада бар болғаны алты матчқа қатысып, қаңтарда табан жарақатынан кейін бір айлық үзілістен соң ғана алаңға қайта оралған еді.