Джейми Варди: «Бұл маусым — нағыз масқара»

«Лестер Сити» капитаны Джейми Варди Премьер-лигадан түсу команданың ресми тағдырына айналғаннан кейін әлеуметтік желілерде жанкүйерлерден кешірім сұрап, өз өкінішін білдірді. Команда соңғы турда «Ливерпульден» 0:1 есебімен ұтылып, элитадан екінші рет құлады.

«Бұл маусымның қалай өткені туралы менің ашу мен қайғымды ешқандай сөзбен жеткізе алмаймын. Ешқандай ақтау жоқ. Бұл маусым — нағыз масқара. Мұны түсіну маған өте ауыр. Біз жанкүйерлердің сенімін ақтай алмадық», — деп жазды 37 жастағы шабуылшы.

«Түлкілер» 33 матчта бар болғаны 18 ұпай жинап, турнир кестесінің соңында қалып отыр. Бұл «Лестердің» соңғы үш жыл ішіндегі екінші рет Премьер-лигадан түсуі. Бұған дейін клуб Англия чемпионы атанып, Англия Кубогын ұтып, Чемпиондар лигасының ширек финалына дейін жеткен еді.

Варди 2012 жылдан бері «Лестер» сапында өнер көрсетіп келеді. Ол клуб үшін 496 матчқа қатысып, ел аузындағы аңызға айналды. Алайда биылғы маусымда небәрі 7 голмен шектеліп, былтырғы Чемпионшиптегі 18 голдық нәтижесінен алыс қалды.

Біздің парақшамыздан футбол матчтарының барлық нәтижелерін Live форматта бірінші болып біліңіз!