Джейк Мэттьюс 2025 жылға қойған мақсаттарымен бөлісті

UFC-дегі алғашқы жекпе-жегін 2014 жылы өткізген (және 20 рет октагонға шыққан) австралиялық файтер Джейк Мэттьюс өзінің мансабы мен алдағы жоспарлары туралы айтты. Үлкен тәжірибесіне қарамастан, ол небәрі 30 жаста, бұл оған жаңа белестерді бағындыруға мүмкіндік береді.

«UFC-де өнер көрсету мен үшін ешқашан тосын жағдай болған емес. Мұнда ұзақ уақыт қалатынымды мектеп кезінен білдім. Көптеген адамдар австралиялықтардың UFC-де жетістікке жете алмайтынын айтқанымен, мен әрқашан өзіме сендім», — деді Мэттьюс.

Ол ұйым аясында 13 жеңіске жетіп, оның 7-еуін мерзімінен бұрын аяқтады. Дегенмен спортшы бұған тоқтап қалмақ емес. 2025 жылдың соңына дейін жартылай орта салмақтағы үздік ондыққа кіруді көздейді.

Қазіргі таңда Мэттьюс жаңа қарсыласына дайындалуда. Ол 2024 жылдың 8 ақпанында өтетін UFC 312 турнирінде Франциско Прадомен жекпе-жекке шығады. Бұл айқаста барлық мүмкіндігін көрсетуге бел буғанын айтты:

«Бұл жекпе-жекке бір ғана жоспарым бар — барлық дағдыларымды көрсету. Алғашқы жылдары күрес пен сабмишендерді жиі қолдандым, кейіннен боксқа басымдық бердім. Бірақ мен әлі октагонда өзімнің толық әлеуетімнің 70%-ын көрсеткен жоқпын».