Dota 2-де Shadow Shaman-мен жылдам фарм жасау әдісі табылды

Dota 2 ойынында жаңа эксплойт (ойын механикасын заңсыз пайдалану) табылды. Reddit қолданушысы Shadow Shaman кейіпкерімен бейтарап криптерді (нейтралды жау бірліктері) жылдам фармдаудың ерекше әдісін ашты.

7.38 жаңартудан кейін Shadow Shaman кейіпкерінің Aghanim’s Scepter артефактімен күшейтілген «Shackles» қабілеті енді тек жауларға ғана емес, одақтас юниттерге, жылан тотемдеріне және тіпті курьерге де қолдануға мүмкіндік береді.

Эксплойт механикасы мынандай: ойыншы курьерге күшейтілген «Shackles» қабілетін қолданады, бұл кезде айналадағы барлық криптерге «Ether Shock» қабілетімен автоматты түрде зақым келеді. Бұл әдіс криптер стактарын (бір жерде көп жиналған криптерді) фармдау (жинау) процесін айтарлықтай жылдамдатады.

Айта кететін жайт, бұл эксплойт 7.38b патчы шыққаннан кейін табылды. Жаңа патчта Dota Plus қазынасы қосылып, ойынға бірқатар түзетулер енгізілген болатын.